|
|
26.11.2005.
У гэтыя дні сайту Belpaese 2000 споўнілася пяць гадоў. Праект
працягвае развівацца, хоць і не такімі тэмпамі, як хацелася б.
Але вось асноўныя вынікі за гэты час: зараз на сайце
знаходзіцца каля 900 старонак тэкставай інфармацыі на рускай,
беларускай і італьянскай мовах, даволі значная колькасць
графічных файлаў. Агульны аб’ём сайта дасягае каля 145 Mb.
Найбольш паслядоўна развіваецца бібліятэка “Biblio
Italia”, якая стала адным з самых
значных рэсурсаў (калі не самым значным) па італьянскай
літаратуры ў Рунеце. Сайт зарэгістраваны больш як у 1000
каталогах у розных краінах – ад Аргенціны і Бразіліі да Японіі
і Аўстраліі. Штодзённа да яго старонак звяртаюцца больш за
2500 разоў.
Бліжэйшыя перспектывы: папаўненне інфармацыі пра Беларусь на
італьянскай мове; развіццё раздзелаў “Кіно” і “Жывапіс”;
адкрыццё асобных сайтаў, прысвечаных палітыцы, гісторыі і
музыцы Італіі; значнае павелічэнне колькасці мастацкіх тэкстаў
і манаграфіяў па італьянскай літаратуры; абнаўленне матэрыялаў
па італьянскай мове і дыялекталогіі, па пытаннях перакладу.
Сачыце за абнаўленнямі і вандруйце.
Belpaese 2000
2.05.02 Паважанае спадарства,
Прайшоў ужо амаль што адзін з паловай год
з таго часу, як гэты сайт быў адкрыты. Каб падвесці
прамежкавыя вынікі, звернемся да статыстыкі:
12.2000 (першы поўны месяц):
109 наведвальнікаў - 905 наведванняў
04.2002 : 5.403 навевальнікаў -14.341 наведванне.
Агульныя паказчыкі: 128.850 наведванняў за 526 дзён = 245
наведванняў у дзень. Здаецца, што небагата, але варта мець на
ўвазе спецыфіку.
А сайт
Belpaese2000 уяўляе сабой зараз нейки аб'ём інфармацыі
ў 338 віртуальных старонак, на якіх змешчана самая
разнастайная інфармацыя для тых, хто цікавіцца Італіяй і
Беларуссю. У бліжэйшым будучым рыхтуюцца старонкі аб аўтарах
італьянскай літаратуры, пра беларускія гарады і інш.
Хацелася б ведаць, якія матэрыялы аб Італіі цікавяць
наведвальнікаў, для таго каб падрыхтоўка старонак была больш
мэтанакіраванай.
Прыемнай навігацыі.
Belpaese
2000
1.12 2000 Шаноўныя
наведвальнікі !
Старонка, якую вы адкрылі, існуе яшчэ зусім нядоўга.
Прысвечана яна вывучэнню італьянскай мовы, літаратуры і
культуры ў Беларусі. Аднак не толькі...
Гістарычныя і чалавечыя сувязі паміж Беларуссю і Італіяй
налічваюць ужо некалькі стагоддзяў. Нямала беларусаў вучылася,
жыло, працавала ў далёкай міжземнаморскай краіне, шматлікія
італьянскія вандроўнікі яшчэ ў часы Адраджэння праязджалі праз
беларускія землі і пакінулі нашчадкам свае ўражанні аб
тагачаснай Беларусі. Нам здаецца цікавым і карысным прасачыць,
як развіваліся на гістарычнай прасторы кантакты паміж дзвюма
краінамі, культурамі, літаратурамі. Таму з цягам часу вы
знойдзеце на гэтых старонках матэрыялы па гісторыі і
сучаснасці Беларусі і Італіі, зможаце пазнаёміцца з найбольш
цікавымі гарадамі і музеямі дзвюх краін, з мастацтвам,
літаратурай, музыкай, тэатрам, зможаце сачыць за апошнімі
навінамі ў беларуска-італьянскіх культурных сувязях.
Асноўная частка матэрыялаў сайта (прынамсі на пачатку яго
развіцця) прызначана для студэнтаў-італьяністаў нашай краіны.
Яны змогуць знайсці тут матэрыялы па краязнаўству, мастацтву,
літаратурныя тэксты італьянскіх аўтараў на мове арыгіналу і ў
перакладзе, біяграфіі знакамітых італьянцаў, тэксты лібрэта
італьянскіх опер і многае іншае. Будзе прадстаўлена на сайце і
творчасць самых студэнтаў (курсавыя і дыпломныя працы,
рэфераты, пераклады), якая адлюстроўвае навуковыя і творчыя
інтарэсы ў галіне італьяністыкі.
Другая важная мэта гэтага віртуальнага праекта - паспрабаваць
пазнаёміць сучасную Італію і італьянцаў з нашай краінай. Таму
матэрыялы па гісторыі, культуры, найбольш цікавых мясцінах
Беларусі будуць падрыхтаваны на італьянскай мове.
У падрыхтоўцы матэрыялаў удзельнічаюць студэнты філалагічнага
факультэта Беларускага дзяржаўнага ўніверсітэта.
Паколькі праект знаходзіцца яшчэ на самым пачатку, робіць
толькі першыя крокі ў віртуальнай прасторы, аўтар будзе
ўдзячны за парады і прапановы , у тым ліку і тэхнічныя. А калі
ў вас ёсць цікавыя матэрыялы аб Італіі або пра Беларусь,
дасылайце.
Прыемнай навігацыі !
|
Хроніка навін
25.11.2005. Сайту
споўнілася 5 гадоў: 145 Mb інфармацыі на
900 старонках
2003-05.
Новыя старонкі Бібліятэкі. Новыя раздзелы:
Італьянская мова, Літаратуразнаўства, Пераклад, Тэрміналогія
19.7.2003 Адкрыты
старонкі і фотагалерэі аб некаторых рэгіёнах Італіі (Лацыа,
Таскана, Кампанія)
19.6.2003 Заснаваны
раздзел, прысвечаны Італіі.
29.9.2002
Абноўлены хатнія старонкі на 3-х мовах.
Рыхтуецца адкрыццё сайта аб жывапісу Італіі ITALIA
Pittura |
